رد صادم من الفنان شريف منير بعد ظهور ابنته أسما حليقة الرأس.. فيديو
في أول تعليق من الفنان شريف منير، على ظهور ابنته أسما حليقة الشعر بمهرجان القاهرة للدراما، والذي أقيم في مدينة العلمين الجديدة.
وقال شريف منير في مقطع فيديو عبر حسابه بـ”إنستجرام” موجها رسالة لمنتقديها: إيه الضجة اللي أنتو عاملينها دي، كل ده عشان بنتي قصت شعرها قدام الكاميرا.. إيه الغلط اللي هي عملته تصرف عادي جدًّا مفيهوش أي حاجة، أوعوا تفتكروا إني ممكن آجي على بنتي عشان أكسب رضاكم، دي بنتي اللي مليش غيرها واللي بحبها.
https://www.instagram.com/reel/CwYeT4ispkA/?utm_source=ig_web_copy_link
وتابع: بالمناسبة اللوك اللي عملته عجبني، بس قبل ما الإخوة اللي بيهاجموا ويقولوا بتعمل كده عشان تريند أو أبوها ما عرفش يربيها، لأ أنا بنتي متربية كويس جدا، بس هي بتتصرف باللي هي حاسة بيه، المهم إنها ما تكونش بتأذي حد، قبل ما تتكلموا بصوا على نفسكم.. اتفرجوا على عيلتكم وولادكم وإخواتكم الناس اللي حواليكم، قبل ما تنتقدوا وتغلطوا في تربية حد.. أنا بنتي متربية كويس جدا.
وواصل في رسالته: ريحوا نفسكم، لأن اللي حصل من بنتي مش غلط ومش عيب، هي ما غلطتش في حد فيكم، هي حرة في نفسها، وعندها 36 سنة وأم وعندها بنوتة ومسؤولة عن نفسها.. أنا أب مسؤول إني أحميها، إنما هي حرة في تصرفاتها، وبكرر تاني أسما أنتِ شكلك حلو جدًّا وكنتِ زي القمر وخدتِ التريند برافو عليك، ما تسمعيش كلام حد، وما تهتميش بكلام حد وأنا مش مهتم بالكلام اللي بيتقال علي أو عليها المهم إن احنا ما بنضرش حد.
وأثارت أسما شرف منير الجدل بعد ظهورها “حليقة الرأس” بمهرجان القاهرة للدراما، الأمر الذي جعلها تتصدر مؤشرات البحث علي موقع “جوجل”، ومواقع التواصل الاجتماعي “فيس بوك” وتويتر، حيث تعرضت لهجوم كاسح بعد ظهورها بهذا الشكل.
لكن أسما شريف منير خرجت لتبرر فعلتها وقالت خلال حسابها الشخصي علي موقع تبادل الصور والفيديوهات “إنستجرام”، إن قرار حلقها لشعرها بالكامل كان لحظة انفعالية.
وأضافت: الحكاية جت بالصدفة جدا وكان قرارًا لحظيًّا وانفعاليا جدا ومش ندمانة عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزة، وعارفة علي فكرة الترند ده نقمة مش حاجة حلوة خالص بس مش هدخل في الجدل دا دلوقت.
ونفت أسما شريف منير، مرورها بحالة اكتئاب مما جعلها تظهر بهذا الشكل، وقالت: الحمد لله أنا كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانة تفاؤل وقوة وارادة وتحد وجرأة وشجاعة وكل حاجة إيجابية في الكون.
لكنها عادت وأكدت انها كانت تمر بمرحلة صعبة جدا في حياتها وتحاول التعافي منها ، مشيرة غلى ان رحلتها إلى دهب كانت مرحلة انتقالية بعد التشافي.
وعن الهجوم عليها بسبب حلق شعرها “زيرو”، قالت: ده شعري مش شعرك وعاجبني شكلي جدًّا بصراحة، شكله جامد ومديني ثقة في نفسي جدا.
