سامحيني يا أمي
سامحيني النهارده رغم غيابك
مع أحفادي لعبت
عقلي بعدها ماصدقش
إني عايش ممكن تترسم
علي وشي ابتسامه
والحزن في قلبي علامه
قلبي بيصرخ إني تِعبت
بعد رحيلك بأسأل نفسي
إزاي الحياه مستمره
فين الشهامه قامت القيامه
الناس ماشيه كده عادي؟؟
كاس العالم بيتلعب معقوله
الناس بالكوره واللهو مشغوله
وفقت وإفتكرت الناس في غزه
جوع وخوف متغميسن بعزه
ريحه الظلم والموت في الشوارع
حق شعب وأمه ضايع
أمهات أطفال عجايز
كل شئ في غزه مُباح وجايز
عرضنا دمنا وإحنا بنقتل بعضنا
أزمتنا من صنعنا وصنع عدونا
وانتي غايبه عننا
إحنا حاضنين حزننا
بنعبي ونبيع وكستنا فأزايز
شيطان مقسمنا شيعه وسنه
مصري باكستاني كويتي
سعودي فلسطيني
بيننا حدود وهميه
رجعونا يا أمي قبائل
يعتقلوا يقتلوا أي متسائل
سيبتي يا أمي دنيا وحشيه
كنتي فيها إنتي أحلي هديه
حياتك كانت عليها مغطيه
رَحْلتي وإنكشف عني الغطا
شفت الدنيا بصورتها الحقيقيه
وقال إيه سامحيني يا أمي
رغم رحيلك .. النهارده
مع أحفادي لعبت
وإترسمت علي وشي إبتسامه
